Este domingo, Monforte de Lemos, acolleu a terceira das competicións da Copa Galega de Promoción de Slálom. As augas do río Cabe recibiron a oitenta e cinco pequenos deportistas das catro provincias galegas. O Club Deportivo Miño-Teixugos acudiu ao evento cunha gran representación formada por dezasete nenos e nenas.
A nosa única representante en canoa ou C1 foi Nerea Álvarez, que, na categoría infantil, acadou a medalla de prata. En caiac infantil feminino ou K1, Leila Álvarez gañou a proba, colgándose o ouro, Nerea Álvarez conseguiu o bronce, Beatriz Sánchez foi sexta e Catalina Sánchez, sétima. En infantil masculino, Iván Cruz rematou cuarto, Alejandro Barreiro quinto, Izan Vicente sétimo, Xurxo Ríos noveno e Leo Álvarez undécimo.
En K1 alevín feminino medalla de ouro para Rita Olveira. En masculino, Lois Montenegro fíxose tamén coa medalla de ouro e Martín Vicente foi sétimo.
Na categoría benxamín só houbo participación masculina, e nova medalla de ouro a cargo de Roque Olveira, Nicolás Piñeiro foi cuarto e Brais Vicente sexto.
En K1 pre-benxamín Iria Álvarez gañou na categoría feminina e Marcos Río conseguiu o bronce co seu terceiro lugar.
Impresionantes as categorías máis novas do club con estas oito medallas, cinco delas de ouro. Na clasificación final por clubs o Deportivo Miño -Teixugos gañou a proba cun total de 261puntos, seguido do club anfitrión, o Montaña Quixós, con 252 e o Piragüismo Dumbría con 170.
A vindeira cita dos Teixugos será histórica, pois, o venres, comezará a súa participación nos Xogos Olímpicos de París, Manu Ochoa. O Teixugo é o primeiro galego en clasificarse para unha proba olímpica na modalidade de slálom.
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
.jpeg)
