O TEIXUGO MANU OCHOA SÉTIMO NA INDIVIDUAL DE CAIAC CROSS DO MUNDIAL

 

    Ao longo desta semana celébrase en Sydney, Australia o Campionato do Mundo de Slálom, a máis importante das competicións deste deporte. Comezou este mundial coas individuais de caiac cross, na que setenta e catro deportistas de corenta países diferentes intentaron facer a baixada máis rápida para conseguir un bo posto nos enfrontamentos que se celebraran o domingo. 

    O Teixugo Manu Ochoa xa leva unhas semanas en Sydney adestrando e preparándose para este acontecemento. Comezou con bo pé, no primeiro tramo do circuíto fixo o mellor tempo da competición, pero o segundo e terceiro tramo foron algo máis lentos, rematando finalmente en sétimo lugar, a dous segundos e medio do primeiro clasificado, o seu compañeiro de equipo, o segoviano David Llorente. 

    Este sétimo lugar dálle opción a encabezar e escoller posto de saída na súa serie o domingo, cando se celebrarán os enfrontamentos de caiac cross. Tamén o sitúan entre a elite do caiac cross, ao quedar entres os dez primeiros do ranking do mundo da modalidade. 

 

CATRO TEIXUGOS CAMPIÓNS GALEGOS DE PROMOCIÓN DE SLÁLOM

    Este domingo celebrouse en Mondariz Balneario o Campionato Galego de Promoción de Slálom, co ambiente de deportividade e convivencia que caracteriza este deporte. Os deportistas máis novos da nosa comunidade acudiron para disputar a máis importante das competicións da Liga Galega. O Club Deportivo Miño-Teixugos levou a doce deportistas a este gran evento. 

    Roque Olveira en C1 e K1 alevín, Nerea Álvarez en C1 infantil e Leila Álvarez en K1 infantil, proclamáronse campión e campioas galegas das súas categorías. 

    En C1 infantil feminino, acompañaron a Nerea no podio Leila Álvarez que conseguiu a medalla de prata e Catalina Sánchez que foi bronce, Beatriz Sánchez rematou cuarta. En K1 infantil feminino Leila foi a gañadora, Nerea Álvarez rematou segunda, Rita Olveira cuarta, Catalina sexta e Beatriz sétima. 

    En K1 infantil, Lois Montenegro, conseguiu a medalla de bronce, Izan Vicente foi cuarto e Leo Álvarez undécimo. En C1 infantil masculino, Lois rematou sexto. 

    Na categoría alevín Roque Olveira foi campión en C1 e K1. Izán Vicente tamén subiu ao podio ao rematar terceiro en K1. 

     Na categoría K1 benxamín Brais Vicente conseguiu a medalla de prata a décimas de segundo do primeiro clasificado. Tamén en benxamín, pero feminino, Iria Álvarez rematou segunda, acadando tamén unha medalla de prata. 

     Impresiona o balance final para os Teixugos deste Campionato Galego de Promoción, con catro campións e catro subcampións galegos das súas categorías. 

     Na clasificación final por equipos o Club Deportivo Miño rematou segundo con 232 puntos por detrás do Piragüismo Dumbría con 245, compartiron podio co Tea de Mondariz que foi terceiro con 185 puntos.

 

O TEIXUGO MANUEL OCHOA REMATA SEXTO NA CLASIFICACIÓN XERAL DAS COPAS DO MUNDO

    Este semana, do 4 ao 7 de setembro, na cidade xermana de Augsburg celebrouse a última das Copas do Mundo de Slálom. As Copas do Mundo son varias competicións que conforman unha liga na que se suman os puntos de cada unha, a mellor posición máis puntos, esta última puntuaba o dobre cas demais. O domingo 7 foi o día para as probas de caiac cross. 

    O teixugo Manu Ochoa forma parte do equipo nacional de slálom na modalidade de caiac cross. Empezou, o a súa participación coa xa habitual proba de contra reloxo que determina o pase e posición aos octavos de final. O tomiñés fixo unha gran baixada, cun tempo so a altura dos mellores, rematando cuarto, a menos dun segundo do primeiro clasificado. En octavos de final, na fase de loitas, tivo unha saída complicada, pero finalmente foi quen de remontar e entrar segundo, pasando de ronda. En cuartos de final, a sorte xa non estivo do seu lado, entrando cuarto e quedando décimo terceiro na clasificación xeral. 

    Na clasificación das Copas do Mundo, suma dos resultados das cinco celebradas, Manu rematou cuarto nas probas contra reloxo e sexto nas de loitas, o que o confirman entre os dez mellores do mundo deste deporte. 

    Nos próximos días, Ochoa, porá rumbo a Penrith, Australia, para preparar o Campionato do Mundo a celebrar do 29 de setembro ao 4 de outubro, co que rematará esta tempada 2025. 

 

 

OS TEIXUGOS GAÑADORES DA IV COPA GALEGA DE PROMOCIÓN DE SLALOM

     Este sábado, en Dumbría, as augas do río Xallas acolleron a cuarta competición das Copas Galegas de Promoción do Slálom. O club Deportivo Miño acudiu cun gran equipo formado por once deportistas, moitos dos cales repetiron participación ao competir en caiac e canoa. 

    En C1 Infantil feminino o podio estivo dominado polas teixugas, ouro para Leila Álvarez, prata para Nerea Álvarez, bronce para Catalina Sánchez e cuarto posto para Beatriz Sánchez. En K1 Infantil feminino repítese podio teixugo, Leila conseguiu o seu segundo ouro, Rita Olveira a prata, Nerea o bronce, Catalina cuarta e Beatriz quinta. 

    En C1 infantil masculino Lois Montenegro rematou cuarto. En K1 infantil masculino Lois conseguiu a medalla de bronce, Izan Vicente foi sexto e Leo Álvarez sétimo. 

    Na categoría alevín masculino, Roque Olveira acadou o ouro tanto en caiac como en canoa, dominando na categoría con moita claridade. 

    Na categoría benxamín solo se baixa en K1, Iria Álvarez e Brais Vicente conseguiron a prata nas categorías feminina e masculina respectivamente. 

    Catro medallas de ouro, catro de prata e tres de bronces son un balance impresionante para o club, pero o máis importante é que ao longo dun día nenos e nenas de toda Galicia viviron unha xornada de deporte, deportividade, superación, amizade e convivencia. 

    Na clasificación xeral por clubs o Deportivo Miño-Teixugos foi o gañador da proba cun total de 295 puntos, compartindo podio co Penedo-Te Importa de Tui que foi segundo con 192 puntos e o Montaña Quixós de Monforte que con 179 puntos, foi terceiro.