O TEIXUGO MANU OCHOA DOMINA NO CAIAC CROSS ESPAÑOL

    Esta fin de semana, a localidade francesa de Pau, concentrou a elite do caiac cross español coa disputa da II Copa de España no sábado e o Campionato de España no domingo. Deportistas das categorías cadete, júnior e sénior mediron as súas forzas na canle francesa. As probas comezan cunha contra reloxo, na que os dezaseis mellores tempos conseguen praza nos enfrontamentos. 

    Nesta competición o Club Deportivo Miño-Teixugos levou a dous deportistas, Manu Ochoa en sénior masculino e Nerea Álvarez en cadete feminino. 

    Manu Ochoa comezou o sábado coa contra reloxo, na que rematou segundo, superado solo polo segoviano David Llorente. Nos enfrontamentos gañou cuartos de final, semifinais e tamén se impuxo nas finais, gañando con moita claridade as súas series. Medalla de ouro para o tomiñés na segunda Copa de España, compartindo podio co catalá Manel Contreras e o vasco Marquel Imaz. 

    O domingo disputouse o Campionato de España, Manu impúxose con claridade na contra reloxo, gañou cuartos de final e semifinais, e xa nas finais un erro nunha porta, cando ía camiño de impoñerse en todas as series, fixo que rematara segundo, por detrás do catalá Manel Contreras e por diante do vasco Aritz Fernández. Medalla de prata e subcampionato de España para el. 

    Estas dúas competicións supoñen o punto final da liga española de caiac cros na que Manuel Ochoa se confirmou como gran especialista na modalidade, dominando todas as series disputadas nas dúas Copas de España e no Campionato, a excepción da última. A partir de agora Manu fará fronte as probas internacionais como membro do equipo español de caiac cross. 

    Nerea Álvarez, na súa primeira tempada na modalidade cadete, conseguiu o sábado superar a contra reloxo, cunha boa baixada nunha canle moi complicada, nos enfrontamentos caeu en semifinais. O domingo, no campionato de España, non foi quen de superar a contra reloxo. 

 

OS TEIXUGOS GAÑADORES DA II COPA GALEGA DE NOVAS PROMESAS DE SLÁLOM

    O Club Deportivo Miño gañou este sábado a II Copa Galega de Novas Promesas celebrada nas augas do río Xallas en Dumbría. En Novas promesas entran as dúas categorías previas a categoría oficial, deportistas cadete e infantil. O club acudiu cunha representación de once deportistas que cos seus resultados fixeron dos Teixugos o mellor club da Copa. 

 

 

    En Cadete feminino poderío total das teixugas, en canoa ouro para Nerea Álvarez, prata para, Catalina Sánchez, bronce para Leila Álvarez e cuarto lugar para Beatriz Sánchez. Na mesma categoría pero en caiac repetiuse o mesmo resultado, Nerea primeira, catalina segunda, Leila terceira e Beatriz cuarta. 

 

    En Infantil feminino Rita Olveira, unha das grandes promesas do club,  gañou a medalla de ouro tanto en canoa como e caiac. 

 

    En cadete masculino, solo participaron en K1, Izan Vicente gañou o bronce, Alejandro Barreiro rematou quinto, Iván Cruz sétimo e Leo Álvarez décimo. 

 

    En cadete infantil masculino, Lois Montenegro gañou en K1, acadando o ouro e en C1 conseguiu a medalla de bronce. 

 

    Ademais deste deportistas que participaron na categoría oficial, varios membros máis do club acudiron ao evento para axudar ou participar como abridores, porque slálom non é só competición senón unha forma de vida e relacionarse. 

 

LIGA NACIONAL DE SLÁLOM: MANU OCHOA GAÑADOR DA 1ª COPA DE ESPAÑA DE CAIAC CROSS E BRONCE EN SLÁLOM

     Segue a tempada nacional de slálom no seu máximo apoxeo, nesta ocasión na Seu D´Urgell. A canle do Parc Olimpic do Segre acolleu o 1 e 2 de maio a 3ª Copa de España de Slálom e 1ª Copa de España de Caiac Cross o día 3. Ao ser probas selectivas para formar o equipo que representará a España nas competicións internacionais, a participación foi alta e de moito nivel. 

    Cada Copa de España de Slálom consta de dúas competicións diferentes cos seus podios. Comezan cos clasificatorias, e os doce mellores, pasan a enfrontarse nas finais. 

    Tres foron os deportistas do Club Deportivo Miño que competiron, Brais, Luís e Manu. 

    Manuel Ochoa, en K1 sénior, obtivo o pase a finais tanto o venres como o sábado, ao rematar as clasificatorias en sétimo nos dous días. Nas finais o venres fixo unha baixada boa, pero lonxe do podio, rematando oitavo. Na final do sábado fixo unha baixada moi rápida e sen penalizacións, acabando terceiro, a décimas de segundo do ouro e da prata, obtendo a medalla de bronce. 

    Luís Fernández, en C1 sénior, tamén superou as clasificatorias nos dous días ao rematar sétimo o primeiro e o segundo día. Nas finais do venres fixo un percorrido correcto, pero algo lento, rematando sétimo. O sábado, nunha final moi apertada, despois de facer unha impresionante baixada, rematou cuarto a décimas de segundo do bronce e da prata. 

    Brais Álvarez, en K1 júnior, non conseguiu entrar nas finais en ningún dos dous días, rematando vixésimo noveno o venres e vixésimo sétimo o sábado. 

    O domingo celebrouse a primeira das competicións de caiac cross da Liga Española. Solo Manuel Ochoa representou aos Teixugos. Comezou coa contra reloxo que determina que padexeiros pasan a ronda de enfrontamentos. Ochoa gañou a proba, conseguindo un bo posto de saída para seguinte ronda. Nas rondas de enfrontamentos dominou completamente e con moita claridade, gañando na súa serie de cuartos de final, de semifinais e tamén se impuxo na final. Inmellorable comezo de tempada para Manu Ochoa en cross, con esta medalla de ouro. 

 

 

 

IMPRESIONANTES OS TEIXUGOS NO CAMPIONATO GALEGO DE NOVAS PROMESAS DE SLÁLOM

    Este sábado, a localidade portuguesa de Covas, acolleu o Campionato Galego de Nova Promesas de Slálom. Algo máis de cincuenta deportistas das categoría cadete e infantil mediron forzas nas augas do río Coura. O Club Deportivo Miño, organizador da competición, acudiu cun gran equipo composto por dez palistas. 

    Na categoría cadete feminina, Nerea Álvarez gañou en C1 e foi segunda en K1, Leila Álvarez gañou en K1 e foi cuarta en C1, Catalina Sánchez foi prata en C1 e cuarta en K1, Beatriz Sánchez foi bronce tanto en C1 como en K1. Podios totalmente copados por teixugas, con Leila campioa en K1 e Nerea en C1. 

    Na categoría cadete masculina Iván Cruz foi terceiro en C1, acadando o bronce. En K1 Izan Vicente conseguiu a medalla de prata e Alejandro Barreiro o bronce. 

    En infantil feminino , Rita Olveira foi campioa galega tanto en C1 como en K1. 

    En infantil masculino, Lois Montenegro rematou terceiro tanto en C1 como en K1, conseguindo dous bronces. Martín Vicente rematou sexto en K1. 

 

    Impresionantes resultados do club tomiñés, con tres campioas galegas no balance final. Na clasificación por equipos, o Deportivo Miño Teixugos, gañou a competición, seguidos polo Piragüismo Dumbría e o Piragüismo Penedo terceiro. 

 

BOA ACTUACIÓN DOS TEIXUGOS NA 2ª COPA DE ESPAÑA DE SLÁLOM CUN BRONCE PARA LUÍS FERNÁNDEZ

    Esta fin de semana o mellor do slálom nacional acudiu a localidade francesa de Pau para disputar a 2ª Copa de España. Un total de 186 embarcación, 76 canoas e 110 caiacs, intentaron sumar o máximo de puntos para buscar algunha das prazas que conformarán o equipo nacional júnior, sub-23 e sénior. Como xa é habitual, cada Copa de España está formada realmente por dúas competicións diferentes cos seus respectivos podios. 

    O Club Deportivo Miño-Teixugos acudiu cun reducido equipo de tres deportistas. O salcedán Luís Fernández en C1 sénior e os tomiñeses Manuel Ochoa e Brais Álvarez en K1 sénior e júnior respectivamente. 

    Luís Fernández, o sábado, superou as clasificatorias e acadou o pase a finais ao rematar quinto en C1 sénior. Na final fixo unha baixada sen penalizacións, cun tempo de 105,69 segundos, acadando o terceiro lugar e a medalla de bronce. O domingo volveu facer unhas moi boas clasificatorias, rematando terceiro dos doce que entraban en finais. Na final fixo unha boa baixada, pero algo lenta, rematando sexto. 

 

    Manu Ochoa, en K1 sénior, a categoría máis numerosa da competición, no sábado conseguiu pase a finais ao lograr rematar oitavo. Na final fixo unha baixada correcta, rematando sexto. O domingo de novo volveu acadar pase a finais cunha cuarta posición. Xa nas finais a baixada foi moi boa, pero un toque na porta cinco deixouno fóra do podio, rematando cuarto. 

    Brais Álvarez en k1 júnior non conseguiu pase a finais en ningún dos dous días. O sábado rematou vixésimo sexto e o domingo trixésimo primeiro. 

    Rematada esta segunda Copa de España, podemos concluír que tanto Manu como Luís se manteñen na elite do slálom español, con grandes resultados e grandes aspiracións. En quince días volverán a competir na 3ª Competición da Copa de España e Slálom e a 1ª Copa de Caiac Cross a celebrar na Seu D´Urgell. 

 

CINCO OUROS PARA OS TEIXUGOS NA II COPA GALEGA DE PROMOCIÓN DE SLÁLOM

 

    Este domingo as augas do río Tea, ao seu paso por Cordeiro, en Salvaterra do Miño, acolleron a II Copa Galega de Promoción de Slálom. Deportistas galegos das categorías benxamin, alevín e infantil acudiron a esta cita da Liga Galega de Promoción. 

O Club Deportivo Miño-Teixugos levou a cinco padexeiros. 

Rita Olveira dominou as probas de caiac en canoa na categoría infantil, gañando en C1 e K1. 

En K1 infantil masculino, Lois Montenegro, a punto estivo de facer podio tamén, ao rematar cuarto. 

Roque Olveira, repetiu a fazaña da súa irmá, ao gañar tanto en caiac como en canoa, en alevín masculino. Tamén en alevín , Brais Vicente rematou quinto en K1. 

A máis nova do Club, Iria Álvarez, foi a gañadora da proba en k1 benxamín. 

Na clasificación por clubs o Deportivo Miño rematou cuarto, pese aos bos resultados, o reducido do equipo non lle permitiu subir ao podio.

 

O TEIXUGO MANUEL OCHOA GAÑADOR DA COPA PIRINEUS EN CAIAC CROSS

    Segunda competición da Copa Pirineus, nesta ocasión no Pireneo francés, en Pau. Altísima participación, case 400 deportistas: 80 mulleres e 150 homes en caiac e 66 mulleres e 90 homes en canoa. Neste tipo de competicións internacionais os deportistas poden anotarse libremente, previo pago, son carreiras fóra do circuíto internacional, pero puntúan para o ranking oficial, clasificación que cada vez adquire maior importancia pois formará parte dos criterios para as prazas deste ciclo olímpico. 

    Do Deportivo Miño-Teixugos participaron Nerea Álvarez, Luís Fernández e Manuel Ochoa. 

    O tomiñés Manuel Ochoa comezou o venres coa fase individual de caiac cross, onde máis de cento cincuenta deportistas intentaron estar entre os trinta e dous mellores tempos para pasar a seguinte fase de enfrontamentos de catro en catro. Rematou quinto, posto que lle permitiu ser cabeza de serie en oitavos. O domingo pechouse a Copa Pirineus co caiac cross nas fases de loitas. Manu, superou sen problemas oitavos e cuartos gañando as súas series, perdeu en semifinais, rematando a competición oitavo. Sumando a puntuación obtida a semana pasada na Seu d´Urgell e este domingo en Pau, Manu foi o mellor da Copa Pirineus por diante do catalá Miquel Farran e do francés Lucas Latimier. 

 

    Manu Ochoa competiu tamén en K1, fixo unha baixada perfecta, pero lonxe dos tempos das finais, rematando vixésimo oitavo. O domingo renunciou a participar na final B para gardar forzas para o caiac cross. 

    Luís Fernández, en C1, tivo unha baixada de semifinais moi boa, pero algo lenta, rematou vixésimo cuarto, non entrando na final A. Na final B mellorou a súa baixada en case dous segundos, rematando undécimo. 

    Nerea Álvarez, recordamos que aínda é unha nena de categoría cadete, ía en busca de sensacións e perfeccionamento. Nesta ocasión atreveuse coa súa especialidade, canoa, rematou moi abaixo na clasificación, pero hai que destacar que a pequena promesa da canoa galega, fixo unha gran baixada sen saltarse ningunha porta nesta canle de gran dureza. Tamén se atreveu co caiac cross, quedando como era esperable fóra dos enfrontamentos.