O CONCELLO DE TOMIÑO ORGANIZA UNHA RECEPCIÓN AO CLUBE DE PIRAGÜISMO OS TEIXUGOS.

O clube tomiñés acadou o primeiro posto na Liga Galega de Augas Bravas 2011

O Concello de Tomiño celebrou esta mañán unha recepción ao Clube Deportivo Miño-Teixugos co gallo do seu primeiro posto na Liga Galega de Augas Bravas 2011. A Federación Galega de Piragüismo outorgou a victoria ao clube tomiñés despois de sumarse todas as puntuacións obtidas polo clube nas distintas competicións deste ano. Este é o quinto ano consecutivo da victoria dos Teixugos na Liga Galega.
O Concello de Tomiño quere recoñecer ao clube dos Teixugos os seus continuos logros que acrecentan a súa traxectoria deportiva. Ademáis a súa victoria na Liga Galega de Augas Bravas se lle suman o primeiro posto na Copa Galega de Slálom e na Copa Galega de Promoción do Slalóm.
No acto desta mañán, a Alcaldesa, Sandra González, e a concelleira de deportes, Cristina Martínez, fixeron entrega aos piragüistas dun póster no que se recollen fotografías de todos eles competindo. Asimesmo, fíxoselle entrega ao presidente do clube, Pablo Pousa, dunha placa conmemorativa.
A concelleira de deportes, Cristina Martínez, destacou “a deportividade dos piragüistas e o seu esforzo continuo por acadar novos éxitos para o clube”.
A Alcaldesa, Sandra González, pola súa parte, tivo un emotivo recordo para un dos impulsores do clube, David Castro. Destacando “o seu inolvidable traballo a prol do clube e dos seus rapaces”.
Como representantes do clube interviron Pablo Pousa, presidente, e Emilio Rodríguez, entrenador. Pablo Pousa animou aos deportistas a “seguir traballando no piraguismo unha nova temporada e a loitar por novas victorias.” Emilio Rodríguez, o entrenador, reflexionou sobre “ a gloria e o dolor” para explicar que a gloria é conseguir triunfos e o dolor é non conseguilos.
(Artigo extraído de http://concellodetomiño.es/)

OS TEIXUGOS CAMPIÓNS DA LIGA GALEGA DE AUGAS BRAVAS 2011

A Federación Galega de Piragüismo ven de publicar os resultados finais da tempada 2011, que acaba de rematar. Estes resultados obtéñense sumando as puntuacións obtidas por cada club nas distintas competicións deste ano.

Na Liga Galega de Augas Bravas, que comprende os resultados de slálom, promoción de slálom, descenso de augas bravas e estilo libre, o Club Deportivo Miño-Teixugos de Tomiño quedou primeiro cun total de 1177 Puntos, seguidos polo Club Montaña Quixós de Monforte de Lemos con 1092 puntos e en terceiro lugar o Club Piragüismo Dumbría con 1015 puntos.

Na clasificación final da Copa Galega de Slálom, na que se teñen en conta os resultados das catro competicións desta modalidade, o club tomiñés volve quedar primeiro cun total de 431 puntos, en segundo lugar quedou o Club Tea de Mondaríz con 421 e en terceiro lugar o Club Val Miñor de Nigrán con 408 puntos.

Na clasificación final da Copa Galega de Promoción de Slálom, na que se suman os puntos obtidos nas seis competicións de promoción, o teixugos repiten primeiro posto cun total de 645 puntos, seguido polo Montaña Quixós con 591 e polo Val Miñor con 584.

Por último, na Copa Galega de Descenso de Augas Bravas o Club quedou no quinto lugar por detrás do Club Fluvial o Barco, Club Montaña Quixós, Club Tea de Mondariz e o Club Fluvial de Lugo.

Pódense ver estas clasificacións premendo AQUÍ.

Engadir aquí que na competición de Dumbría, a última celebrada, houbo un erro no reconto final de puntos, quedando os Teixugos campións da Copa Galega, e non segundos como en principio parecía; correspondéndolle a segunda praza ao Tea de Mondariz.

Os Teixugos móstranse orgullosos deste logros, conseguidos co seu esforzo e a pesar do pouco apoio co que conta este fermoso deporte a tódolos niveis. Aínda que o Club ten a súa base en Goián, conta nas súas filas, ademais de tomiñeses, con xente do Rosal e da Guarda; por iso animan a tódolos nenos e nenas do Baixo Miño a que se anoten e comecen a practicar un deporte no que os amigos e a deportividade están garantidos.

OS TEIXUGOS PECHAN A TEMPADA 2011 EN DUMBRÍA CON 5 MEDALLAS

Este domingo celebrouse en Dumbría o Campionato Galego de Slálom, a última competición desta tempada 2011. Participaron deportistas das categorías cadete, xunior, senior e veteranos. Os Teixugos acudiron con 15 deportistas de diferentes idades, que participaron nas categorías de C1 e K1, catro deles participaron como abridores, e dicir que realizaron o circuíto pero non puntuaron nin recibiron medallas ao ser de categoría infantil.
Todos os deportistas fixeron un gran esforzo, xa que dobraron categoría, o que lles supuxo catro baixadas, dúas en C1 e dúas en K1.
Das cinco medallas conseguidas, unha foi de ouro para Guillermo Martínez en K1 Home Senior; dúas de prata, unha para Andrea González en K1 Muller Cadete e outra para Nicolas Ruedas en K1 home senior; e dúas de bronce para Pablo Pousa en K1 Home Veteranos e Víctor González en C1 Homes Xuvenil.
Na clasificación xeral por equipos O Club Deportivo Miño-Teixugos conseguiu un meritorio segundo posto, por detrás do Club de Piragüismo Tea de Mondariz.
Para rematar a xornada tivo lugar unha pequena competición de patrullas, na que os Teixugos participaron con tres equipos. Esta é unha modalidade nova e moi vistosa, que empeza a ser frecuente en tódolos campionatos, tanto de Galicia como de España. O percorrido é o mesmo que o de slálom, o mesmo que as normas, so que os piragüistas baixan en equipos de tres, tomándose o tempo entre o primeiro que sae e o último que entra na meta.

ARBO: CAMPIONATO GALEGO DE DESCENSO DE AUGAS BRAVAS

O pasado sábado día dezasete de setembro celebrouse na localidade de Arbo o Campionato Galego de descenso de augas bravas. Nesta modalidade os piragüistas deben descender un tramo dun río, neste caso desde Cequeliños a Arbo, uns catro quilómetros.
O club Deportivo Miño-Teixugos acadou cinco medallas: Emilio Carrera bronce en C1 Home Xuvenil, Alejandro Ochoa prata en C1 Home Senior, Antón González bronce na mesma categoría, Andrea González bronce en K1 Muller Cadete e Guillermo Martínez bronce en K1 Home Xuvenil.
A vindeira fin de semana celebrarase a derradeira competición desta temporada 2011. Serán estes mesmos deportistas os que participaran en Dumbría no Campionato Galego de Slálom.

CAMPIONATO GALEGO DE PROMOCIÓN EN MONFORTE DE LEMOS

Este domingo cerrouse en Monforte de Lemos a tempada de promoción de slálom 2011 co Campionato Galego. Na promoción, como xa aclaramos noutras ocasións compiten os deportistas máis pequenos de cada club.
O medalleiro do club tomiñés quedou da seguinte maneira: Clara González acadou ouro na categoría K1 Muller Alevín, Marina Ruedas ouro en K1 e prata en C1 Muller Infantil, Claudia Otero prata en K1 e bronce en C1 Muller Infantil, Brais Castro bronce en C1 e K1 Home Infantil e Manuel Ochoa prata en K1 Home Infantil. Na clasificación xeral por equipos os Teixugos acadaron o segundo posto por detrás do Club de Piragüismo Municipal de Dumbría.
Ata o ano que ven os máis pequenos xa non terán máis competicións, aínda que seguirán adestrando moi duro cada semana para superarse o ano que ven. A vindeira e ultima cita da tempada co slálom será a finais de setembro en Dumbría onde se celebrará o Campionato Galego, esta vez das categorías superiores.

5ª COPA GALEGA DE PROMOCIÓN DE SLALOM EN DUMBRÍA

Este sábado día 20 celebrouse na localidade coruñesa de Dumbría a 5ª Copa Galega de Promoción de Slálom, na que compiten nenos e nenas das categorías Infantil (nacidos nos anos 1998 e1997), Alevín (nacidos nos anos 1999 e 2000) e Benxamín (nacidos nos anos 2001 e 2002). O Club Deportivo Miño acudiu con cinco nenos e tres nenas a este campionato, os da categoría infantil participaron por partida dobre, pois fixérono na categoría K1, reman en kaiak, van sentados e o remo ten dúas pas e en C1, na que reman en canoa, van de xeonllos e o remo so ten unha pa.
O club de Tomiño conseguiu ao remate da competición da tarde tres medallas de ouro, para Claudia Otero en C1 Infantil, Marina Ruedas en K1 Infantile Víctor Rodríguez en K1 Alevín; tres de prata para Marina Ruedas en C1 Infantil, Claudia Otero en K1 infantil e Brais Castro en K1 infantil e catro de bronce para Clara González en K1 Alevín, Marco Patiño en K1 Alevín, Manuel Ochoa en K1 Infantil e Brais Castro en C1 Infantil.
Na clasificación xeral por equipos os Teixugos remataron na segunda posición por detrás do club anfitrión, o Club Deportivo Municipal Piragüismo Dumbría.
A tempada de Promoción de Slálom 2011 rematará a vindeira fin de semana en Monforte de Lemos onde se celebrará o Campionato Galego de promoción de Slalom.

CAMPIONATO DE ESPAÑA DE INFANTILES EN PONTS

Este sábado día 6 de xullo celebrouse na localidade catalá de Ponts o Campionato de España de Infantiles co que se cerrou a tempada 2011 de Slalom a nivel nacional. Os teixugos acudiron cos cinco infatiles cos que conta neste momento: David, Claudia, Marina, Brais e Manuel. Ao final do día non se conseguiu ningunha medalla para o club tomiñés, pero os nenos e nenas deixaron o pavillón ben alto, xa que case todos puntuaron grazas os bos tempos obtidos. Destacar a 4ª e 5ª praza obtidas en K1 Infantil B por Manuel Ochoa e Brais Castro respectivamente, quedando os seus tempos a moi poucos segundos dos gañadores.
Na puntuación final por clubs o Club Deportivo Miño acadou o quinto lugar, sendo o club galego mellor clasificado.
O mérito dos Teixugos e moito pois compite con vascos e cataláns que contan nas súas comunidades con canais adaptadas a este deporte e cunha lexislación a nivel ríos moito menos estrita que a galega, que so parece respectar os dereitos das compañías hidroeléctricas. A nivel económico tamén están motísimo mais respaldados, tanto por patrocinadores como polas súas respectivas federacións.
A vindeira cita será en Dumbría onde se celebrará a 5ª Copa Galega de Promoción de Slalom.