DOUS TEIXUGOS NA COPA DO MUNDO DE SLÁLOM CON MEDALLA DE PRATA PARA MANU

     Do 3 ao 6 de setembro celebrouse en París a penúltima Copa do Mundo de Slálom. A canle olímpica de Vaires sur Marne recibiu a 238 deportistas de 48 países diferentes para intentar acadar un lugar no podio ou subir postos no ranking mundial. Dos trece deportistas que formaron o equipo español, dous eran galegos, e os dous do Club Deportivo Miño-Teixugos. 

    O salcedán Luís Fernández foi un dos tres representantes de canoa ou C1. Viña de disputar unha proba de carácter internacional en Cesson-Sévigné, onde conseguiu pase a finais e rematou nun impresionante oitavo lugar. Nesta Copa do Mundo non tivo tanta sorte, fixo unha baixada correcta pero algo lenta, o que non lle permitiu acceder as finais, rematando cuadraxésimo sexto. 

    Manu Ochoa foi como integrante do equipo de caicac cross. As probas de cross comezan cunha contra reloxo ou individual que determina os postos e compañeiros nos enfrontamentos. Manu fixo un percorrido rapidísimo que o levou a liderar a clasificación cun tempo de 55,66 segundos, mantendo o posto ata a última baixada, cando foi superado polo inglés Joe Clark cun tempo de 55,33 segundos. Rematou segundo, gañando a medalla de prata da proba individual. Nos enfrontamentos gañou claramente o de oitavos de final, e caeu en cuartos ao ser penalizado por un fallo na última porta. Rematou décimo terceiro na modalidade de enfrontamentos. 

    A próxima semana, tanto Luís como Manuel, volverán a formar parte do equipo español que disputará a última e máis importante Copa do Mundo desta tempada 2026, a celebrar na localidade ilerdense da Seu D´Urgell. 

 

SEIS MEDALLAS PARA OS TEIXUGOS NA COPA GALEGA EN PADRÓN

     Este domingo as augas do Ulla ao seu paso por Padrón acolleron unha Copa Galega de Slálom. Deportistas das categorías sénior e júnior dos clubs galegos acudiron a medir as súas forzas. 

    O Club Deportivo Miño-Teixugos acudiu á cita con cinco deportistas. 

    Alba Soutelo gañou tanto en caiac como en canoa sénior feminino. 

    Iván Cruz conseguiu o bronce en C1 júnior. Catalina Sánchez tamén foi bronce na mesma categoría, pero feminina. 

    E dous novos bronces para o club en K1 júnior para Izan Vicente en masculino e Beatriz Sánchez en feminino. 

    Na clasificación por clubs os Teixugos remataron terceiros. 

 

SETE MEDALLAS PARA OS TEIXUGOS NA IV COPA GALEGA DE PROMOCIÓN DE SLÁLOM

    As futuras promesas do slálom galego xuntáronse este sábado en Dumbría para medir forzas na IV Copa Galega de Promoción de Slalom. As augas do río Xallas acolleron a uns cincuenta deportistas galegos das categorías benxamín, alevín e infantil.

     Nesta ocasión o Club Deportivo Miño tan so aportou a cinco deportistas, pero con grandes resultados. 

    Lois Montenegro, na categoría infantil masculina, acadou a prata tanto en caiac como en canoa. 

    Rita Olveira, tamén infantil, pero feminino foi a gañadora tanto en K1 como en C1; facéndose, por tanto, con dous ouros. 

    Roque Olveira , en alevín, dominou tanto en caiac como en canoa, levádose dúas medallas de ouro. Na mesma categoría, Brais Vicente rematou sexto. 

    Iria Álvarez, en benxamín, categoría que solo participa en K1, foi a gañadora subindo ao podio para recoller unha medalla de ouro. 

    Na clasificación final por equipos, e a pesares de levar un equipo pequeno, o Club Deportivo Miño-Teixugos rematou terceiro por detrás dos anfitrións do Piragüismo Dumbría e do Montaña Quixós de Monforte. 

 

CATRO MEDALLAS PARA O TEIXUGO LOIS MONTENEGRO NO CAMPIONATO DE ESPAÑA DE SLÁLOM POR SELECCIÓNS AUTONÓMICAS

    Esta fin de semana tivo lugar na localidade leonesa de Sabero o Campionato de España de Slálom por Seleccións Autonómicas en Idade Escolar. Cada autonomía levou equipos formados por tres deportistas en cada categoría. Varios foron os teixugos convocados para representar a Galicia nas augas do río Esla. 

    O sábado celebráronse as probas de slálom, tanto individual como patrullas, onde os tres integrantes do equipo baixan xuntos. O domingo tocoulle ao caiac cross, coa proba individual ou contra reloxo e os enfrontamentos. 

    Lois Montenegro, integrante do equipo masculino infantil, estivo impresionante. Formando equipo con Omar Martínez do Penedo e Xoel Fernández do Quixós, conseguiron a medalla de ouro en patrullas de canoa e a de prata en caiac. Na proba individual foi quinto en K1 e sétimo en C1. O domingo, na contra reloxo de caiac cross rematou terceiro, gañando por tanto o bronce na proba. Nos enfrontamentos superou cuartos rematando segundo da súa serie, gañou as semifinais e na final acabou segundo, conseguindo a prata, a súa cuarta medalla neste campionato. 

 

    Iván Cruz formou parte do equipo galego de C1 cadete, en patrullas rematou quinto e en C1 décimo sétimo. En caiac cross rematou vixésimo segundo na contra reloxo non pasando a cuartos.

    Izan Vicente estivo no equipo de K1 cadete. En patrullas rematou sexto, en K1 individual décimo oitavo e en caiac cross non pasou a cuartos ao rematar vixésimo primeiro na contra reloxo. 

    Na categoría Infantil feminina Rita Olveira formou parte do equipo galego tanto en C1 como en K1, rematando quinta nas dúas modalidades. Non participou en patrullas ao ter o equipo galego só dúas integrantes. Tampouco participou en cross. 

    Na categoría cadete o equipo galego estaba formado integramente por teixugas. Leila e Nerea Álvarez tanto en K1 como en C1, Catalina Sánchez completou o equipo de caiac e Beatriz Sánchez o de canoa. En patrullas remataron cuartas en C1 e K1. Na proba de C1 Nerea Álvarez foi quinta, Leila undécima e Beatriz décimo terceira. En K1 Leila foi novena, Nerea undécima e Catalina décimo cuarta. O domingo en caiac cross Nerea, Leila, Catalina e Beatriz conseguiron o pase a cuartos de final ao rematar oitava, novena, décimo cuarta e décimo sexta, respectivamente. Só Nerea conseguiu pasar a semifinais, onde rematou terceira quedando fóra da final, rematando sexta na xeral. 

    No resultado final por federacións, Galicia rematou terceira por detrás de Cataluña e País Vasco, grazas, en parte, aos grandes resultados destes pequenos teixugos. 

 

CINCO MEDALLAS PARA OS TEIXUGOS NA III COPA GALEGA DE PROMOCIÓN DE SLÁLOM

     Este domingo as augas do río Cabe, ao seu paso por Monforte acolleron a III Copa Galega de Promoción de Slálom. Participaron deportistas galegos das categorías infantil, alevín e benxamín. O Club Deportivo Miño-Teixugos, acudiu cunha reducido equipo de tan só tres piragüistas, que dominaron nas súas respectivas categorías.

    Rita Olveira foi ouro tanto en caiac como en canoa infantil feminina. Seu irmán Roque Olveira tamén foi o gañador en C1 e K1 pero da categoría  alevín. Iria Álvarez en benxamín tamén gañou en caiac, non dobrando participación ao non haber canoa ata categoría alevín.

    Impresionante balance, con tres participantes e cinco medallas de ouro para os pequenos teixugos. 

    Na clasificación por equipos  o Club Deportivo Miño rematou quinto, con so 42 puntos, polo reducido do equipo participante.

 

MANU OCHOA NO CAMPIONATO DO MUNDO DE CAIAC CROSS

    Do 20 ao 25 de xullo disputouse en Oklahoma a competición máis importante de slálom do ano, o Campionato do Mundo. Cincuenta países dos cinco continentes acudiron cos seus equipos a competir a esta canle, futura sede dos Xogos Olímpicos de 2028. 

    Manuel Ochoa, do Club Deportivo Miño-Teixugos, estivo presente como integrante do equipo nacional, concretamente, de caiac cross. 

    A súa participación comezou o luns coas contra reloxos ou probas individuais, buscando clasificarse para a fase de enfrontamentos. Fixo unha baixada espectacular, rematando undécimo dun total de setenta e cinco contendentes, a segundo e medio do primeiro clasificado. 

    O sábado rematou o Campionato coas series de loitas do caiac cross. O posto de Manu Ochoa na proba individual permitiulle encabezar a súa primeira serie, gañando con moita claridade ao suízo Dimitri Marx, ao canadense Isaac Zimmerman e ao austríaco Mario Leitner , pasando a octavos de final. En octavos a sorte non estivo da súa parte, non fixo unha boa saída, e nas loitas cos seus contrincantes chegou último da súa serie onde foi superado polo suizo Martín Dougoud, o francés Joris Hello e o italiano Xabier Ferrazzi.

     Rematou o Campionato do Mundo en vixésimo quinto lugar, sendo o español mellor clasificado. 

 

GRAN PAPEL DOS TEIXUGOS NO CAMPIONATO DE ESPAÑA “JÓVENES PROMESAS” DE SLÁLOM E CAIAC CROSS

    Outra fin de semana de competición para os máis pequenos do Club Deportivo Miño-Teixugos. A localidade de Ponts acolleu o Campionato de España “Jóvenes Promesas” de Slálom e Caiac Cros. Nas augas do río Segre concentráronse máis de douscentos palistas das categorías cadete, infantil A e infantil B, procedentes de tódolos puntos de España. 

    O sábado celebrouse o campionato de slálom, comezando cunha baixada de clasificatorias na que os dez primeiros pasaban á final, que se disputou  no mesmo día. 

    En categoría cadete feminina Leila Álvarez e Nerea Álvarez conseguiron entrar nas finais de canoa, onde Nerea rematou cun impresionante quinto posto e Leila foi décima. En K1 Leila quedou a un posto de entrar nas finais, rematando décimo primeira e Nerea foi décimo terceira. Na mesma categoría, Catalina Sánchez rematou décimo sexta en C1 e décimo sétima en K1, e Beatriz Sánchez vixésima e décimo novena. 

    En infantil A feminino gran papel de Rita Olveira que entrou nas finais de K1 e C1, rematando quinta nas dúas categorías. 

    A mellor participación dos teixugos firmouna Lois Montenegro que se meteu nas finais de caiac e canoa, rematando sexto en canoa e cuarto en caiac, rozando a medalla de bronce. 

    Na categoría Cadete masculino solo Iván Cruz participou en C1 e K1, rematando vixésimo sétimo e trixésimo quinto. Na mesma categoría, pero solo en K1, Izan Vicente foi trixésimo noveno, Alejandro Barreiro cuadraxésimo primeiro e Leo Álvarez cuadraxésimo oitavo. 

 

    O domingo tocoulle ao caiac cros, que comezou coas contra reloxos ou probas individuais para buscar un posto nas loitas. Superaron esta proba Lois, Leila, Nerea, Catalina, Beatriz e Rita. 

    Lois, en infantil A, superou a fase de cuartos de final e caeu en semifinais a consecuencia dunha falta, rematou a proba sétimo. 

    Rita, tamén en infantil A, impúxose na súa serie de semifinais, xa na final non puido repetir a fazaña, rematando cuarta. 

    En categoría cadete feminino, Nerea, Catalina e Beatriz caeron en cuartos de final e Leila chegou a semifinais rematando a proba quinta.