Este domingo celebrouse en Monforte de Lemos a quinta proba da Liga Galega de Promoción de Slálom da que o Club Deportivo Miño-Teixugos retornou con nove medallas.
Os podios da categoría infantil estiveron dominados polos teixugos e teixugas que acudiron ao evento.
En Infantil masculino, Sergio Rodríguez foi ouro en caiac e prata en canoa, Samuel Castro ouro en C1 e bronce en K1 , Alexis Segadaes prata en K1 e Mateo Álvarez rematou octavo en K1.
En Infantil feminino, Ainhoa Barreiro dominou en K1 e foi segunda en C1, mentras que a súa compañeira de equipo e categoría Alba Soutelo foi primeira coa canoa e prata en caiac.
Éxito total para os teixugos e teixugas na quinta Copa Galega, a vindeira cita dos padeeiros do Club Deportivo- Miño será a próxima fin de semana na Seu d`Urgell onde terá lugar o Campionato de España, nesta ocasión das categorías superiores.
No hay comentarios:
Publicar un comentario