PROMOCIÓN MONDARIZ- 5/10/14

O CONCELLO HOMENAXEA O CLUB POLOS SEUS LOGROS NA TEMPADA DE SLÁLOM

O Concello de Tomiño rendeu hoxe unha pequena homenaxe ao noso club. O acto estivo presidido pola alcaldesa de Tomiño, Sandra González, e a concelleira de Deportes, Cristina Martínez. Ambas as dúas felicitaron ao club pola súa intensa labor e fixéronlle entrega ao presidente Pablo Pousa dunha placa conmemorativa.Tamén se lle entregaron placas aos deportistas que acadaron o Campionato Galego nas diferentes categorías. A través de este acto o Concello pretende promocionar e "visibilizar" máis a labor do noso club. Acudiron moitos dos nosos deportistas e Pablo recordou que a grandeza do club non está so nas medallas de ouro senón no espíritu de equipo.

CAMPIONATO GALEGO DE SLÁLOM E DESCENSO DE AUGAS BRAVAS. Arbo, 6 e 7 de setembro de 2014

OS TEIXUGOS GAÑADORES O CAMPIONATO GALEGO DE SLÁLOM

Este sábado celebrouse en Arbo o Campionato Galego de Slálom Olímpico.  A mañá non puido decorrer mellor para os Teixugos, aínda trazado do circuíto foi bastante complicado, o que fixo que en moitas categorías so uns poucos deran chegado a finais.

Cinco Teixugos proclamáronse campións galegos: Sara Vázquez en C1 muller sénior, Laura Alonso en K1 muller sénior, Andrea González en K1 muller júnior, Manuel Ochoa en K1 home cadete e Brais Castro en C1 home cadete.

Ademais Laura Alonso foi tamén prata en C1 sénior, Brais Castro bronce en K1 cadete e Alejandro Ochoa bronce en C1 sénior.

Na clasificación final por equipos o Club Deportivo Miño Teixugos acadou o primeiro posto, seguido polo Tea de Mondariz e o Club Municipal de Piragüismo Dumbría.

Na mañá do domingo celebrouse tamén o Campionato Galego de Descenso de Augas Bravas, no que os Teixugos quedaron terceiros, un moi bo posto tendo en conta que é unha especialidade na que o club nin sequera ten barcos adecuados e baixou en kaiaks de slálom. Laura Soutelo foi prata en K1 muller cadete, Andrea González bronce en K1 muller júnior, Manuel Ochoa prata en k1 home cadete e Brais Castro bronce na mesma categoría.

TEIXUGOS NO CAMPIONATO PORTUGUÉS DE SLÁLOM EN ARBO

FOTOS

RIBADUMIA-CAMPIONATO GALEGO DE PROMOCIÓN DE SLÁLOM

   Este domingo celebrouse en Ribadumia o Campionato Galego de Promoción de slálom co que se pecha a Liga Galega de Promoción deste ano. En promoción entran os nenos e nenas de 8 a 14 anos, é dicir os máis pequenos de cada club.
    O Club Deportivo Miño-Teixugos acadou tres medallas de ouro, unha de prata e unha de bronce. Os tres ouros foron para Ainhoa Barreiro en K1 Muller Benxamín, Ariadna Pereira en K1 Muller Alevín e para Sergio Martínez en K1 Home Benxamín; a de prata foi para Alba Soutelo en K1 Muller Benxamín e o bronce para Samuel Castro en K1 Home Benxamín.
   A pesares do medalleiro na clasificación final por equipos os Teixugos so conseguiron acadar un 5º posto, debido fundamentalmente a que os outros clubs acudiron con un grupo máis numeroso de pequenos deportistas.
    Como remate destacar que esta longuísima Liga de Promoción, ademais do Campionato Galego, contou con seis competicións de Copa Galega( Tomiño, Mondariz, Gondomar, Tui, Monforte e Caldelas). Nelas hai que destacar o papel feito polos nosos pequenos campións: Ainhoa Barreiro, Ariadna Pereira alzáronse co ouro en todas elas, Sergio Martínez cinco ouros e unha de prata, Alba Soutelo acadou seis pratas e Samuel Castro unha de ouro, dous bronces e tres de prata. Norabóa a estes campeóns!

VIANA: 10/08/2014

LIGA GALEGA DE PROMOCIÓN DE SLÁLOM- CALDELAS- 03/08/2014

Liga Galega Promoción Slálom 13/07/2014 - Monforte

TUI- LIGA GALEGA PROMOCIÓN DE SLÁLOM- 13/07/2014

CAMPIONATO DE ESPAÑA- SEU D´URGELL

Esta fin de semana tivo lugar na canle olímpica da Seu D`Urgell o Campionato de España de slálom olímpico. O club Deportivo Miño- Teixugos acudiu con nove deportistas. Na primeira xornada do sábado tiveron lugar as clasificatorias a unha soa manga. Isto fixo que os nosos rapaces e rapazas se o xogaran todo nunha soa baixada. Non foi un gran día, sobre toda para as mozas, pois o circuíto foi trazado para ser rápido e moi técnico no que o máis mínimo fallo ten un custo moi elevado. Isto fixo que solo se clasificaran para semifinais Emilio Rodríguez en k1 sénior, Brais Castro en k1 e c1 cadete e Manuel Ochoa en k1 cadete . Na mañá do domingo, a primeira hora celebráronse as semifinais, entrando en finais Brais Castro en C1 e k1 cadete e Manuel Ochoa en k1 cadete. En kaiak, onde o nivel é altísimo Brais rematou sétimo e Manuel noveno. Aínda que son uns postos impensables no piragüismo galego fai uns anos, tanto Manuel como Brais tiñan aspiracións a medalla, pero falloulles a sorte. Pero non se veo de baleiro de terras cataláns, pois a sorte si acompañou a Brais na categoría canoa acadando a primeira posición e polo tanto medalla de ouro para o noso “teixugo”. Na clasificación final por equipos O Deportivo Miño quedou en sétimo lugar, sendo o mellor clasificado dos clubs galegos. Esta foi a última competición das catro que formaron a IX Liga de Slálom Olímpico “Manuel Fonseca”, na que os “teixugos” obtiveron resultados históricos e impensables fai uns anos. A próxima cita será en Arbo no Campionato Galego.

Cocentración amistosa Mondariz 24-5-2014

2ª COMPETICIÓN DA LIGA GALEGA DE PROMOCIÓN DE SLÁLOM-GONDOMAR 2014

Este domingo celebrouse en Gondomar a segunda competición correspondente a Liga Galega de Promoción de slálom, na que participaron sete equipos galegos e un portugués nas categorías Benxamín, Alevín e Infantil, con máis de cincuenta deportistas. A competición constou de dúas mangas, contando para os postos a mellor das dúas. Os pequenos padeeiros do Club Deportivo Miño lograron facerse cun total de cinco medallas. Tres de ouro: para Ainhoa Barreiro en K1 Muller Benxamín, Ariadna Pereira en K1 Muller Alevín e Sergio Martínez en K1 Home Benxamín; e dúas de prata: para Samuel Castro en K1 Home Benxamín e Alba Soutelo en K1 Muller Benxamín. Na clasificación final por equipos o Club Deportivo Miño-Teixugos obtivo a primeira posición, seguidos polo Piragüismo Dumbría e no terceiro posto quedou o C.P. Penedo de Caldelas.

COPA DE ESPAÑA 2014-MONDARIZ

Esta fin de semana celebrouse en no concello Mondariz Balneario a 2ª competición da Copa de España de Slálom. O sábado tiveron lugar as clasificatorias con máis de douscentos participantes. Déronse clasificado para as semifinais do domingo Guillermo Martínez e Nicolás Ruedas en K1 Home sénior, Manuel Ochoa en K1 Home Cadete, Brais Castro en C1 e K1 Home Cadete, Andrea González en K1 Muller Júnior e Sara Vázquez en K1 e C1 Muller Júnior. As nove da mañá do domingo comezaron as semifinais, cun altísimo nivel en tódalas categorías. A pesar da dificultade entraron nas finais os catro palistas do Club Deportivo Miño que nestes momentos están becados no Centro Galego de Tecnificación Deportiva: Andrea, Sara, Brais e Manuel. Xa na final Brais Castro fíxose coa segunda posición, e polo tanto coa medalla de prata, en C1 Home Cadete e Manuel Ochoa foi bronce nunha apertadisima final de K1 Home Cadete. Destacar o mérito dos palistas galegos que non contan con ningunha canle apropiada para adertrar, cousa da que si dispoñen vascos e cataláns.

2ª COMPETICIÓN LIGA GALEGA DE SLÁLOM-MONDARIZ

Ao longo da mañá do domingo 23 de marzo tivo lugar en Mondariz Balneario a segunda competición da Liga Galega de Slálom. O Club Deportivo Miño inscribiu a dez piragüistas, dos cales cinco participaron nas categorías de kaiak e canoa, acudindo por tanto os Teixugos con quince participacións neste campionato. Acadáronse cinco medallas de ouro: Brais Castro en C1 cadete, Manuel Ochoa en K1 cadete, Clara González en C1 cadete, Sara Vázquez en K1 Júnior e Guillermo Martínez en K1 sénior; tres de prata: Brais Castro en K1 cadete, Andrea González en K1 júnior e Laura Alonso en C1 sénior; e finalmente tres de bronce: Laura Soutelo en K1 cadete, Manuel Ochoa en C1 cadete e Laura Alonso en K1 júnior. Na clasificación final por equipos o Club Deportivo Miño quedou primeiro con 247 puntos, en segundo lugar que dou o Club Tea de Mondariz con 155 puntos e en terceiro lugar o Piragüismo Penedo con 97 puntos. A vindeira cita será os días 5 e 6 de abril en Padrón onde se celebrará a 2ª Competición da Copa de España.

OS TEIXUGOS GAÑADORES DA COPA DAVID CASTRO DE SLÁLOM

Este domingo tivo lugar no río da Pedra a Copa de Slálom David Castro, primeira das competicións da XII Liga de Promoción de Slálom. Tiveron os pequenos piragüistas unha mañá espléndida e un río en boas condicións no que demostrar as súas aptitudes. Participaron un total de oito equipos, seis galegos e dous portugueses. Rematada a competición o medalleiro dos máis novos do Club Deportivo Miño-Teixugos quedou como sigue: Ainhoa Barreiro ouro en K1 muller Benxamín, prata para Alba Soutelo na mesma categoría, ouro para Ariadna Pereira en K1 muller Alevín, Víctor Rodríguez bronce en C1 home Infantil e prata en K1 home Infantil, Samuel Castro ouro en K1 home Benxamín e prata para Sergio Martínez na mesma categoría. Na clasificación final por Clubs os Teixugos quedaron primeiros con 163 puntos, seguidos polo C. P, Penedo con 146 e en terceiro lugar o Club Tea con 124 puntos.

V TAÇA IBÉRICA DE SLÁLOM

Este domingo comezou oficialmente a tempada 2014 de Slálom Olímpico na localidade lusa de Covas en Vilanova de Cerveira coa V Taça Ibérica de Slálom. Esta competición xa é habitual no calendario cada mes de xaneiro, sendo este ano organizada por Federação Portuguesa de Canoagem, Darque Kayak Clube e Club Deportivo Miño-Teixugos. Os Teixugos acadaron seis medallas de ouro: dúas para Clara González en C1 e K1cadete e para Brais Castro en C1 e K1 cadete, unha para Andrea González en K1 júnior e outra para Víctor Rodríguez en K1 infantil; dúas de prata para Sara Vázquez en C1 e K1 sénior e unha de bronce para Claudia Otero en K1 júnior. Na clasificación final por equipos quedou en primeiro lugar o Aguas Bravas Clube de Amarante, seguido do Club Deportivo Miño-Teixugos e en terceiro lugar o Club Tea de Mondariz.